برجك اليوم : التوقعات الفلكية ليوم الاربعاء 13 ديسمبر 2023
برجك اليوم مع الفلكي منيب الشيخ.
♈ توقعات برج الحمل
من أفضل الايام لتتحرر من قيود وأشخاص وتتعلم شي جديد او لغة أو تبلش رياضة
أو تتعرف على ناس جديدة وبعيدة وعم تحس أنو كتير أمور بلشت تتحرك باتجاه الحل وعم تقدر تنجح وفي سفر كمان .
عاطفياً: اطمن عم يكون في علاقات ويومك حلو وكل الأشخاص جدد حولك وممكن حتى تحسم علاقة عندك .
♉ توقعات برج الثور
الوضع افضل نسبياً عندك وفي قصص مالية وأمور بتخص ميراث عندك
وبدي منك تبلش تاخد قرارات وتعمل تغيير مصيري بحياتك وتعرف مين لازم يبقى معك وفي خسارة مال وشخص وعلاج صحي .
عاطفياً: يوم جيد وعندك حلول ومصالحات ولازم تاخد قرار بعلاقتك وانت أفضل وعندك حلول والحب بيرجع إذا بدك .
♊ توقعات برج الجوزاء
هدي الوضع وبدون أي مشكلة أو مواجهة بهيك يوم لأن مارح تكون لصالحك
أبدا وفكر هاليوم باتفاقيات وعقود وأي شي مشترك ممكن تبلش فيه ويمكن في علاقات أو شراكات متعبة عم تنتهي وهدي كتير .
عاطفياً: يبدو الوضع حساس منشان هيك خليك رايق ولاتكبر القصص مع الشريك لأن القصة بدها مسايرة.
♋ توقعات برج السرطان
عم تنشغل بأكتر من قصة وفي شغل جديد ناطرك أو التزامات أو أمور مهنية و دراسية وعائلية شاغلة بالك
وماعم تكون فاضي تحك راسك ولازم ترتب يومك وتخلص الضروري من شغل لدراسة وانتبه لصحتك .
عاطفياً: مو مرتاح ولازم الشريك يقدر وضعك وبما إنك مشغول فيبدو أنو تأثر على علاقتك هاليوم .
♌ توقعات برج الأسد
الوضع عندك جيد جداً وفي حظ وقصة بتخص طفل أو ابن أو انجاب شاغلتك
ولازم بهاليوم تعرف تستغل الحظ المرتفع يلي عندك ويمكن عم تقابل أشخاص غالية عليك وتصالحن بعد غياب وتكسب مبلغ مالي .
عاطفياً: اطمن يومك جيد وعم يكون في حب واتصال بخليك تفكر فيه بالماضي والأجواء العاطفية عم تكون تمام .
♍ توقعات برج العذراء
انتبه بهيك يوم من تغيير مفاجئ وقصص بالبيت ومع العيلة وبتخص الأهل رح تشغلك
وعم يكون عندك أمور بتخص سكن جديد أو أمور عقارية وكمان مشغول بأمور بتخص تصليحات أو شي صحي كمان .
عاطفياً: هدي وماتكبر المشاكل وبدي منك تهدي هاليوم لأن لازم تروق إذا بدك علاقتك تستمر وماتقلق عاطفتك بخير رغم كلشي .
♎ توقعات برج الميزان
عم يكون في أمور مع أخوة وجيران وتواصل حلو وسفر قصير وعم تصل وتحكي كتير ناس وموبايلك مابيهدى وعندك شي عبر السوشل ميديا والإعلام قصة سيارة أو موبايل وانتبه من حادث .
عاطفياً: عم يكون عندك حب لكن انت مو مرتاح وفي أشخاص غالية عمتتواصل معك وأنت لازم تعرف شو بدك .
♏ توقعات برج العقرب
عم تنام كتير وتكون شهيتك مفتوحة للأكل وبدك الكل يكون قريب منك وبدك مين يدللك ويعزمك ويمكن تزور مطعم أو فندق وعم تدور على قصص شغل أو ناطر مبلغ يجيك ومشغول بأمور المال.
عاطفياً: ضايج شوي وحليان وعندك علاقات جيدة وبدي منك تحل المشاكل وحافظ على تقربك من الشريك .
♐ توقعات برج القوس
كل شي عم يكون أفضل وفي اخبار حلوة وناس جديدة وعم تستعيد مكانتك وتحل مشاكلك وعم يكون في أخبار بتريحك انشا[لله وخاصة بالبيت ومع المقربين وهاليوم لتكمل فيه أعمالك وتكون أفضل .
عاطفياً: عم يكون في تواصل وعلاقات وأفضل بعلاقاتك ويوم كتير إيجابي واطمن في أشخاص عم تتقرب منك .
♑ توقعات برج الجدي
ما عم تكون مرتاح وانتبه حتى من أقرب الناس ألك وماتثق وتوقع الخيبة بأشخاص وعم تحس أنو في شي عم يمشي متل مابدك وفي شوية عرقلة وعندك شي صحي أو زيارة مشفى وشغل ضمن مؤسسة .
عاطفياً : في ناس حولك لكن أنت مو رايق وعم يكون يوم صعب شوي وحاول لاتتسرع وأتعامل بهدوء مع الشريك .
♒ توقعات برج الدلو
عم تقدر تستفيد بهيك يوم من أصدقاء ودعم كبير وتحقيق أمنيات وشعبية وشهرة شو ماطلبت عم تتلبى وعم يكون عندك عزيمة مطعم أو مناسبة أو قصة مع أصحاب وأصدقاء غاليين عليك وتغيير حلو .
عاطفياً: اطمن وضعك تمام وكتير علاقات وناس حولك هاليوم يومك وفي أشخاص مناسبة الك لكن فكر واختار صح .
♓ توقعات برج الحوت
عم تلاقي كتير أشخاص عم تبدي إعجابها وفي شي مهم أو قصة شغل أو مع حدا مهم وفي ناس عم تحكي عليك وماتخالف القوانين وعم تحس انك تحت الأضواء والكل عم يراقبك وفي شهرة مفاجئة ممكنة .
عاطفياً: في شي ناطرك مهم وعم تتحسن علاقاتك واطمن أنت بوضع منيح إذا عرفت تستغل علاقاتك .
للاستماع الى برجك اليوم واغنيته المخصصة لليوم واهم توقعاته اضغط على الرابط التالي: