برجك اليوم : التوقعات الفلكية ليوم السبت 30 ديسمبر 2023

برجك اليوم مع الفلكي منيب الشيخ.

♈ توقعات برج الحمل

من الايام يلي عم تفرح فيها بقصة مع ابن او طفل وبنفس الوقت في شخص مهم عم يرجع يحكيك بعد غياب

وفي تطورات ايجابية وغالبا الحظ مرتفع عندك وعم تقضي وقت ممتع وفي مناسبة او قصة مع العيلة

عاطفيا : عليك جاذبية و عندك علاقات وفرص ارتباط و اشخاص بترجع تحكيك ورومنسية كمان.

♉ توقعات برج الثور

غالبا عم تنام بغير بيتك او تختك او عم تسافر او تزور ببيت شخص او بيت العيلة والاهل

وعم تحس انو في تغييرات عم تحصل بحياتك ووضع الأهل والمقربين وشاغلك وضع الأب او أخ كبير.

عاطفيا : عندك توتر عالي بعلاقتك ويوم مواجهات فحاول تكون رايق مع الشريك ليمرق على خير.

♊ توقعات برج الجوزاء

شاغلك امور بتخص اخ او جار بهيك يوم وفي اتصالات وناس وامور بيع وشراء وعم تنشط بكل المجالات والاماكن

وخاصة عبر السوشل ميديا او اذا في شي بخص سفر وعلاقات وانتبه من الحوادث والاعطال.

عاطفيا : عم يكون عندك اسلوب اقناع وكاريزما حلوة وبتقدر تصل لأي شخص وعندك اجواء حلوة عاطفيا.

♋ توقعات برج السرطان

لازم تعرف تتصرف مع النفقات المالية الإضافية يلي عم تطلعلك وفي شي شاغلك عالاهل

وبدك تنام وترتاح وعندك عزيمة يمكن وحاول تلاقي طريقة لكسب المالي وراقب اكلك ووزنك وبدك مين يساعدك.

عاطفيا : هاليوم حاول تكون اقرب للشريك وفي اجواء حلوة ممكن تقضيها بعزيمة معو.

♌ توقعات برج الأسد

في اخبار حلو ناطرتك اذا عرفت كيف تستغلها وخاصة انو في تحسن صحي وعم تخلص شغلك المتراكم وترتاح شوي

وتبلش حمية ورياضة ويمكن بدك تنهي شراكة تابعتك وعم تتجاوز كم يوم صعبين مرقو.

عاطفيا :يوم افضل مشان هيك خليك رايق لان يوم مابدو مشاكل وحاول تحسم امورك بدبلماسية مع الشريك.

♍ توقعات برج العذراء

شاغلك هاليوم امور بتخص ابن او طفل وفي شي صحي عند البعض او وضع عائلي ويمكن لازم تهتم بحالك اكثر هاليوم

وتخلص التزاماتك وشغلك وكمان ماتثق بالاشخاص يلي معك لان مو الكل مناح

عاطفيا :بدك حب بعيد عن الناس ويوم متقلب فانتبه وبتحس بالوحدة وخيبة امل ببعض الاشخاص .

♎ توقعات برج الميزان

اطمن عم يكون وضعك أفضل وقادر تعمل عزيمة ببيتك او ببيت العيلة وتحسن كبير بعلاقاتك ووضعك

والحظ بأعلى الدرجات بكون وعندك شعبية كبيرة ولمة مع اصدقاء قدامى وتزور ببيت شخص كمان.

عاطفيا : في ناس معجبة و انت أفضل بكتير وعم يكون عندك جاذبية كبيرة وكاريزما وفرص ارتباط وحب.

♏ توقعات برج العقرب

عم يكون عندك قصة مهمة ولازم تعرف تستغل هيك يوم وانتبه من مخالفة القوانين خاصة بالطرقات

وفي قصة بتخص الأهل والأب خاصة وماتعاند او تخالف القوانين هاليوم لان في اشخاص عم تستفزك.

عاطفيا :عليك عيون ويوم مهم ويبدو في كتير ناس عم تبدي اعجابها ولازم تعرف تختار بعلاقتك

♐ توقعات برج القوس

في شي بخص سفر عندك ويمكن شخص بعيد عم يدعمك ماليا بمبلغ وعم تهتم بموضوع بخص شغل خارجي

وعلاقات وانتبه من الحوادث وفكر توسع دائرة معارفك وكمان ممكن تعمل شي جديد بشكلك

عاطفيا : يوم حلو وعم تتعرف على أشخاص جدد ويومك جيد وعم تزيد رغبتك بانك تحب وتنحب ..

♑ توقعات برج الجدي 

بتحس في تحسن بوضعك وفي شفاء من مرض او قصة بتشغلك على شخص مقرب او من عيلتك

وعم تبلش الامور تتيسر عندك بين اوراق ومال وقضايا عم تنحل شوي شوي وفي اشخاص عم ترجع تتقرب منك.

عاطفيا :في رومنسية و اطمن بهاليوم انت احسن وبتبلش الاوضاع تتغير وبتحس الشريك بدو يرجع يتواصل معك .

♒ توقعات برج الدلو

منك تضل هادي وماتدخل اي مشكلة او مواجهة لان هالشي رح يتعبك ويكبر خسارتك و الناس عم تستفزك

وانت مو ناقص وحاول تهدي تستغل يومك باقل الخسائر ولا تتسرع بشي اذا مانو مدروس.

عاطفيا : لاتكبر القصص وهدي الأمور وحاول تمنع غضبك وتروق وخاصة انك متوتر زيادة وممكن ارتباط عند البعض .

♓ توقعات برج الحوت

عم يكون وضعك بين وبين ويمكن عندك مناسبة وفي شغل كتير تحضيرات وبهاليوم لازم تداري وضعك الصحي

وماتترك شي يتراكم عليك ولازم تداري حالك وتخلص امورك الضرورية ولازمك راحة

عاطفيا :يوم طويل ومو مرتاح ويبدو ماعم تكون كتير راضي وفي تعب باثر عليك وعلى علاقتك هاليوم .

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب