برجك اليوم : التوقعات الفلكية ليوم الاربعاء 24 يناير 2024

برجك اليوم مع الفلكي منيب الشيخ.

♈ توقعات برج الحمل

عم يكون عندك مناسبة أو قصة عائلية شاغلة بالك ولازم تتعامل معها صح وتنتبه واليوم ممكن

يكون عندك فيه زيارة ببيت صديق الك أو حتى عزيمة وبدي منك تهتم اكتر بأهلك وعيلتك وانتبه من المشاكل .

عاطفياً: هدي الوضع وعم يكون في علاقات لكن انت عم تدور على الراحة والاستقرار وبتكون بحاجة هدوء لبالك

♉ توقعات برج الثور

عم يكون عندك تواصل وأمور بتشغلك مع أخ كبير وقصص شغل إعلامي أو بالسوشل ميديا

وعم تتحرك وتتواصل بكل الاتجاهات وبتكون عم تنشغل بقصة دراسية وموضوع سيارة أو موبايل وانتبه من الحوادث

عاطفياً: هاليوم عندك علاقات وكتير ناس جديدة واطمن الوضع العاطفي بكون منيح اذا عرفت تستغل علاقاتك

♊ توقعات برج الجوزاء

استغل يومك لتعرف شو الك وشو عليك وتستفيد من مبلغ مالي ويمكن عم تشتري وتبيع وفي مكاسب حلوة

عندك وقصص عم تدعمك وفي قصة خارجية بشغل كمان وعم تجيك هاليوم حوالة مالية من شخص .

عاطفياً: بدك دلال وفي ناس حولك لكن بدك الشريك معك واطمن وضعك العاطفي جيد.

♋ توقعات برج السرطان

عم يكون كل شي أفضل وفي تحسن وحلول ومصالحات وحسم بقضايا وعلاقات وأمور أوراق

عم تنحل وبتحس أنو عندك طاقة وامورك بتصير أفضل وبهاليوم بادر لتصالح وتحل المشاكل وتعمل شي جديد

عاطفياً: في حب عم يكبر ويوم مميز وفي أجواء حلوة واطمن وضعك كتير أفضل والشريك عم يكون أقرب الك.

♌ توقعات برج الأسد

لا تكبر المشاكل وهدي الوضع لأن في شوية مشاكل عندك وماحدا عم يفهمك ويمكن في شراكة جديدة

او عم تنهي شراكة قديمة وتجنب أي مواجهة أو مشكلة لأن مو لصالحك وحاول تكون دبلوماسي.

عاطفياً: مو مرتاح وعندك عتب ويبدو في مشاكل عم تزيد بالعلاقة ومو ناقصك قصص عم تعكر حياتك العاطفية.

♍ توقعات برج العذراء

معك ناس كتير وأصدقاء عم تدعمك وفي عزيمة مع زميل الك بالشغل أو الدراسة وكمان

في مناسبة وعم تتعب بالتجهيز الها وانتبه لصحتك ويمكن تزور مريض أو يكون عندك كتير قصص وسهرة وناس

عاطفياً: في حب لكن خليه مستقر وعندك كتير ناس وأجواء حلوة وغالباً في كتير أشخاص معك وهالشي بحسن وضعك ..

♎ توقعات برج الميزان

من الايام يلي فيها أمور هامة أو امتحان أو اختبار ويمكن في قصة بتخص الأب شاغلتك

وعم تقابل ناس مهمة ويمكن ناطرتك أو ترقية أو منصب و كمان في أمور عائلية لازم تروق فيها و حاول ما تغلط.

عاطفياً : يوم مهم و عم تكون العيون عليك و عم يكون في أشخاص مشهورة عم تعجب و تتواصل فيك هاليوم فاستغل هالشي.

♏ توقعات برج العقرب

عم يكون عندك فرصة لتسافر هاليوم أو تحكي شخص بعيد و يدعمك

أو تغير بحياتك و تخلص من مشاكل عائلية أو تغير ببيتك أو بشكلك و انتبه من الحوادث

عاطفياً: اطمن وضعك جيد مشان هيك بلش بحل الأمور لان آخر فترة كانت صعبة لكن بيتحسن هاليوم و معارف جدد.

♐ توقعات برج القوس

عم يكون هاليوم أفضل نسبيا و في أمور مالية بتخص سيارة أو موبايل أو مع أخ و أوراق و مبالغ مالية بتحصل عليها

و أمور بيع و شراء و لازم تحسم أمورك و تاخد قرار بقضية شاغلتك و في مجال للمصالحة.

عاطفياً: اطمن وضعك أفضل و في علاقات أفضل و خاصة أنو في حلول عاطفية و تحسن كبير.

♑ توقعات برج الجدي 

لازم تعرف تتصرف و يمكن في ضغط عليك مالي أو بقصة زاعجك فيها الشريك و عم يكون عندك شراكة مالية

مع شخص جديد لكن حاسس في مين عم يستغلك و ما تكبر المشاكل و حاول تروق و تحصل حقك.

عاطفياً: هاليوم ضايج و عندك مشاكل و مو مرتاح و أنت بحاجة رواق مع الشريك و يمكن البعض عم يفكر بارتباط هاليوم.

♒ توقعات برج الدلو

عم تبلش شغل جديد أو في قصة صحية شاغلتك و يمكن تبلش رياضة و نظام غذائي و صحي و عندك شوية التزامات زايدة

و لازم تخلصها بوقتها و ما تهمل شي ضروري و قادر تثبت حالك مهنيا و عندك طاقة حلوة.

عاطفياً: الشريك لازم يقدر انك مو فاضي كتير و في كتير قصص براسك و هاليوم وضعك العاطفي بدو اهتمام.

♓ توقعات برج الحوت

عم تقدر تغير أمور لصالحك والوضع عم يكون افضل وفي أمور بتشغلك بتخص ابن أو طفل

أو أمور مالية ومكاسب وفي أشخاص عم ترجع تتواصل معك وعم تقضي فيها وقت حلو وفرص مالية

عاطفياً: عندك الجاذبية والحب عم يكبر ورغم كل شي انت بوضع منيح عاطفيا وعندك علاقة عم ترجع .

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب