برجك اليوم : التوقعات الفلكية ليوم الاثنين 29 يناير 2024

برجك اليوم مع الفلكي منيب الشيخ.

♈ توقعات برج الحمل

عندك كتير أمور و يمكن شغل أو قصص و عزيمة مع زملاء مدرسة أو عمل و ما عم تفضى تحك راسك بهيك يوم

و كتير مشغول بأمور و مناسبة يمكن و قصص زيارات و أصدقاء و لازم تعرف تتصرف و في أصدقاء بتساعدك.

عاطفياً: بدك الشريك يعرف أنو كتير أمور شاغلتك عن الحب ولازم تعرف تخلي وقت للشريك فيه حتى ما يعتب.

♉ توقعات برج الثور

عم يتحسن وضعك و في خبر حلو و قصة فيها مكسب مالي أو أشخاص عم ترجع تحكيك و مشغول بقصة طفل أو ولد أو أخ صغير

و استغل هيك يوم بالحظ الجيد يلي عندك مهنيا و عندك فرصة حتى تحصل على مبلغ.

عاطفياً: أشخاص بتحكيك و عندك أجواء رومنسية مميزة ناطرتك و اذا كنت اعذب فرصة لحب و خطبة.

♊ توقعات برج الجوزاء

عم يكون عندك أمور فيها تغيير مكان و سفر و قصة عم تتحرر فيها مع أشخاص و شاغلك وضع الأهل و العيلة

أو بتحكي شخص بعيد من العيلة أو عم تزور جامعة و تشتغل بقصص أوراق و عندك شي عقاري و تغيير.

عاطفياً: تصرف بهدوء وافصل بين حبك وعيلتك ولاتقلق وحاول تلاقي طريقة تهدي فيها وماتنفعل.

♋ توقعات برج السرطان

عم يكون عندك أمور بيع أو شراء سيارة أو موبايل أو بتبلش شغل بشركة إعلامية وعم يكون وضعك أفضل

بتواصل وقصص بتخص أوراق ومال وعم تنهي أمور عالقة وفي أمور بساعدك فيها أخ وانتبه من الحوادث.

عاطفياً: عندك اتصال بفرحك ومن الأوقات المريحة عندك وفرص رومنسية مهمة عم تكون بلقاءات وأوقات مميزة.

♌ توقعات برج الأسد

عم يكون في كتير صرف ونفقات ودفع ويمكن تدخل شراكة مالية مع شخص ولازم ترتب أمورك

وتعيد حساباتك وتنتبه من تأخير أو احتيال وخاصة مع الشركاء وخفف من أكلك ونومك ولا تتكاسل كمان .

عاطفياً: انتبه لوضعك وهدي هاليوم ولا تسمح للماضي يوقف بدربك وافتح صفحة جديدة لقلبك وفكر بالاستقرار.

♍ توقعات برج العذراء

عم تلاقي حالك عم تبلش شغل جديد وعم تتحسن علاقاتك بشغلك أو جامعتك أو مدرستك وتحسن كبير

و خاصة أنو عم تنجز كتير من أمورك المتراكمة و يتحسن وضعك الصحي و تبلش رياضة و تعالج قصة شاغلتك.

عاطفياً: هاليوم في علاقة زمالة ممكن تتحول لحب و أنت فكر صح و خليك رايق و حاول تحدد شو بدك و تتخذ قرار.

♎ توقعات برج الميزان

عندك أمور شاغلتك و قصص ما عم تكمل و انتبه عائليا و لأهلك و صحيا كمان و حاسس أنو في مشاكل

و لازم هاليوم ما تثق كتير و تفكر بكل الاحتمالات و انتبه لقصة بتخص طفل أو ابن و ما تقامر و خليك واقعي.

عاطفياً: عم يكون في حب لكن خليه بعيد عن الناس و يوم صعب مشان هيك كون عقلاني و لاتسمح لعواطفك تتعبك.

♏ توقعات برج العقرب

من الأيام يلي فيها كتير ناس و لمة عيلة أو عم تزور ببيت صديق الك أو شخص و ممكن في مناسبة أو عزيمة أو سهرة

و في لمة ناس و عيلة كمان و بتلاقي الكل عم يحتفل فيك و يساعدك و لاتبقى لحالك و في شهرة .

عاطفياً: اطمن في علاقات بتزيد والكل معك مشان هيك استغل هاليوم وحاول تكون مع الشريك حتى تقوي العلاقة فيه.

♐ توقعات برج القوس

عم يكون في شغل جديد ويمكن عمل إعلامي أو بالسوشل ميديا أو قصة مع أخ كبير الك أو في حكي

عم يطلع عليك وبتحس اذا نزلت بوست رح يضرب ويصل وبيحكي معك أشخاص مسؤولة ومهمة

عاطفياً: هاليوم في ناس عم تعجب فيك وانت هاليوم حاول تعززعلاقتك وتخفف التوتر يلي عم تمر فيه.

♑ توقعات برج الجدي 

اطمن من الايام الجيدة نسبياً عندك ويلي ممكن تستغلها صح بحوالات مالية وشغل خارجي كمان

والوضع الحالي عم يخليك منفتح على أجواء جديدة وحتى في ناس عم تدخل حياتك ونجاح دراسي وسفر.

عاطفياً: اطمن وضعك بيفتح باب علاقات جديدة عندك ويوم فيه مصالحات مع الشريك بعد فترة متعبة .

♒ توقعات برج الدلو

عم تكون بوضع افضل وعم تحسم أمورك وتحل قضايا قانونية وأمور مالية مشتركة وشي بخص ميراث لصالحك

والوضع عم يكون افضل عندك وفي علاج من مرض الك وشفاء وخسارة شخص للبعض.

عاطفياً: وضعك للأفضل منشان هيك اتقرب من الشريك وفي سهرة حلوة وفي مصالحات كمان عم تدعمك .

♓ توقعات برج الحوت

مو رايق كتير وخاصة أنو الكل عم يتغير معك وينقلب ضدك ولازم تنتبه وتحذر من الكل وماتثق

وتتجنب اي مواجهة وفكر بشراكة أو عقد شغل جديد لكن خليك حذر وروق وبعد عن الناس يلي عم تأذيك.

عاطفياً: عندك ضغط وانت بيوم صعب منشان هيك حاول تكون رايق واهدى ولاتخلي كلام الشريك ينهي كل شي.

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب