برجك اليوم : التوقعات الفلكية ليوم الاثنين 11 مارس 2024

برجك اليوم مع الفلكي منيب الشيخ.

♈ توقعات برج الحمل

بعدك عم تحس بشوية تعب ويمكن تبلش شغل بمؤسسة كبيرة او شركة او بشي انساني

وبكون في وظيفة وماعم تكون راضي وخاصة في ناس عم تستغلك ماليا وغير ماليا وكترانة حولك الناس يلي بوجهين

عاطفيا .. انتبه وخلي حبك بأمان وعندك علاقات كتير لكن ما حدا عم يكون معك وحاسس بوحدة وخيبة ببعض الاشخاص

♉ توقعات برج الثور

استغل هيك يوم لتعمل كل شي حلو وعندك شهرة وناس وعم تلتقي اصحابك وأصدقائك

والوضع جيد عم يكون هاليوم وخاصة انك ممكن تحقق امنية بمساعدة شخص وعندك لمة ناس واجواء غير شكل

عاطفيا .. فكر باستقرارك وعم يكون في علاقات وقادر هاليوم تجذب كتير اشخاص الك وفي امكانية ارتباط او صداقة تتحول لحب.

♊ توقعات برج الجوزاء

عم يكون هاليوم مناسب لتبلش شغل جديد او تستلم منصب او يكون عندك ترقية او عم تتعامل مع ناس مهمة ومسؤولة

ويمكن اختبار او امتحان والاضواء عليك وفي شهرة وقصة بتخص الأب وحكي ناس..

عاطفيا .. استغل يومك لأن في تواصل مع حدا مشهور وعم تكون الاضواء عليك لكن هاد ما بيعني انك مرتاح

♋ توقعات برج السرطان

كتير ممكن يكون عندك هاليوم امور بتخص سفر ودراسة واوراق وخلاص من اشخاص زاعجتك

وتحرر كمان وتبلش دراسة او رياضة او اي شي جديد وتغير شكلك وافكارك يوم وحوالة ممكن تجيك

عاطفيا .. عندك علاقات وفي حب جديد والوضع لصالحك وعندك هاليوم علاقات جديدة.

♌ توقعات برج الأسد

عم يكون الوضع لصالحك لتحل مشاكل وامور اوراق وقصص وقضايا شوي شوي وفي شي بخص محاكم للبعض

وامور ميراث وشراكات ومبالغ ممكن ترجع وعم تعالج مرض بخصك او بخص حدا مقرب

عاطفيا .. عندك امور عم تحسمها بعلاقتك ويبدو في تقارب ووضعك افضل ولازم تستغل هاد اليوم لتعرف شو بدك

♍ توقعات برج العذراء

عم تبلش شغل جديد بشركة او مع اشخاص او عم تتفق مع شخص بموضوع معين وعم يكون عندك عقود خارجية

وكمان بهاليوم كتير مناسب تبلش شغل مع اشخاص مو لوحدك وتنهي اي شراكة متعبة

عاطفيا .. روق وفكر بارتباط وماتنطر من الشريك يفهمك لان هاليوم في مشاكل ولازم تهدي اذا بدك العلاقة تستمر

♎ توقعات برج الميزان

في شوية تعب عندك واكتر من التزام بين دراسية وبيت وشغل والوضع هاليوم بساعدك لترتتب حياتك

من جديد وتعمل نظام صحي غذائي ورياضة وتهتم بامور صحية وماعم تلحق وفي اكثر من قصة براسك

عاطفيا .. بدك الشريك يقدر انك تعبان هاليوم وعم يكون في علاقات ضمن مجال دراستك او عملك

♏ توقعات برج العقرب

عم يكون حظك مرتفع هاليوم وممكن يكون عندك مكسب او قصة بتخص حدا صغير بتفرح فيها

وعم ترجع اشخاص تحكيك بعد غياب هاليوم بين اصدقاء او حتى من الشغل ويمكن تحصل على مبلغ

عاطفيا .. عم يكون في حب وفرصة خطبة وانت بوضع جيد وعم يرجعلك شخص بعد غياب بهيك يوم

♐ توقعات برج القوس

عندك تغيير بشغلك لمكان جديد ويمكن لترقية او في مشاكل مع المقربين بالشغل وبالبيت وعم تفكر كتير بامور

بتخص البيت ويمكن عم تنقل لمكان سكن جديد او عم ينباع عندك عقار او في تصليحات ببيتك

عاطفيا .. عم تدايق ويبدو انك ضايج من مشاكل بيتك وفي شي حلو لكن المشاكل يلي عم تحصل عندك بتأثر

♑ توقعات برج الجدي 

عندك شغل اعلامي او بالسوشل ميديا او التلفزيون بهيك يوم ويمكن تمارس نشاط رياضي

وعم تنشط باكتر من مجال وفي اتصالات بتفرحك بعد غياب وبتنشغل بقصة بتخص اخ او جار وفي نجاح وسيارة

عاطفيا .. اطمن في اتصالات عاطفية من اشخاص عم ترجع وفي حب وتواصل حلو عبر الإنترنت

♒ توقعات برج الدلو

عم يكون في امور مالية بين دفع وقبض عندك ولازم تعرف شو بدك منيح وعم تنام كتير هاليوم وتفكر بالأكل الطيب

او يمكن تنعزم او تعزم وانتبه عم تصرف مال كتير وشاغلك وضع الاهل والمسؤوليات وفي سهرة

عاطفيا.. لازمك اهتمام و بدك الشريك قريب وعاطفتك زايدة وناطرك اوقات حلوة اذا كان في عزيمة معو

♓ توقعات برج الحوت

يوم تاني في كل الطاقة والحظ وقادر تغير كل شي لصالحك وتستفيد من نجاحات وتحرر

وعم تحس بطاقة كبيرة جدا داخلك وقادر تعمل اي جديد وممكن تبلش شغل اعلامي او عبرالسوشل ميديا

عاطفيا .. اطمن في حب وعندك جاذبية وحضور وقادر تصل لاي علاقة بدك بهيك يوم وفي امكانية ارتباط للبعض

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب