برجك اليوم : التوقعات الفلكية ليوم الاثنين 22 ابريل 2024

برجك اليوم مع الفلكي منيب الشيخ.

♈ توقعات برج الحمل

عندك عقد عمل أوقصة شراكة مع شخص بأمور مالية أو بمبالغ ويوم بدو تروق فيه وتنتبه من مشاكل مالية

وعائلية وخاصة مع المقربين منك ولازم تفكر بشغل مع شخص موثوق وعندك تقلبات وعزيمة ..

عاطفياً..هدي لان عم يكون عندك توتر كبير لكن بالمقابل عم يكون وهاليوم عندك فرص ارتباط …

♉ توقعات برج الثور

هاليوم في شغل جديد ناطرك والتزامات لا م تخلصها بوقتها وركز عالحمية والرياضة لأن صار وقتها

وبعدك مشغول بأكتر من قصة ويعتبر من الأيام يلي فيها أمور صحية لكن في إنجاز وشغل وشي دراسي ..

عاطفياً..كتير قصص ويبدو انك ضايج شوي ومو رايق وفرصة هاليوم لتختبر اهتمام الشريك و قفتو حدك

♊ توقعات برج الجوزاء

من الايام يلي فيها أمور حظ وناس كتير عم تقابلن بعد غياب من أصدقاء أو أشخاص وعم يكون الوضع منيح

لتستفيد من مبالغ مالية ويكون في دعم وأمور مع عيلتك بتخليك مستقر اكتر وبتشغلك قصة ابن أو طفل

عاطفياً.. هاليوم اطمن الحب عم يدعمك اليوم وانت أفضل وعم يكون يومك في حب ..

♋ توقعات برج السرطان

عندك تغيير مكان شغل ممكن أو منصب للبعض أوقصة بمكان جديد ويمكن تغير سكن أو تزور ببيت صديق الك عم تنشغل بوضعك ضمن البيت …

عاطفياً..اطمن عندك علاقات وناس لكن انت مو مرتاح هاليوم وعندك كتير ضغط مشان هيك حاول تهدي بعاطفتك ..

♌ توقعات برج الأسد

من الايام يلي فيها قصة شغل إعلامي او عبر السوشل ميديا ناطرك وفي أمور مع أخ كبير كمان

وماتخالف القوانين وخاصة بالقيادة وعم تنشط وتكون قادر تصل وتقنع بأي حديث وعم يكون في اتصالات مهمة

عاطفياً.. اطمن وضعك جيد وفي اجواء حلوة وانت افضل وعم تكون العيون عليك ويوم حلو بلقاء عاطفي أو اتصال..

♍ توقعات برج العذراء

عم يجيك مبلغ مالي أو حوالة وعم تكون شهيتك مفتوحة عالاكل ولازم تنتبه ويمكن في عزيمة مع ناس جدد

الأمور متقلبة عندك وبدك مين يفهمك صح وخاصة انو في تغييرات وأمور بيع وشراء ودفع وقبض

عاطفياً..استغل يومك وعم تكون منيح وفي أجواء إيجابية اطمن بالمجمل يوم جيد وبدي منك تكون قريب …

♎ توقعات برج الميزان

عم تبلش بحل مشاكل وفي قصة اوراق وقضايا ومحاكم عندك وأمور صحية عم تعالجها واستغل هيك يوم

لتحسم أمورك باي علاقة أو قصة شاغلتك وعم تحل أمور مال وميراث وكمان فكر بمصالحة.

عاطفياً..اطمن في علاقات عم تلاقي طريقها الك ووضعك أفضل بكتير وعم تاخد قرار بعلاقتك مع الشريك

♏ توقعات برج العقرب

عم يكون عندك أمور عم تتاجل ويمكن شغل ضمن مؤسسة كبيرة أو عم تزور شخص أو تعمل واجب مع ناس

وفي لمة ناس حولك انشا لله تكون لخير وحاول تساير شوي وبدون مواجهات حتى ماتخسر أشخاص .

عاطفياً..ضايج والشريك ماعم يهتم واي كلمة ممكن تنهي علاقة عندك ولازم يفهمك ويقدر ظروفك.

♐ توقعات برج القوس

عم يكون معك كتير ناس ويمكن في ورشة شغل أو طلعة مع زملاء وأصدقاء الك ومن الايام يلي فيها شي حلو

وفيك تطلب اي مساعدة بدك كمان وانتظر دعم من شخص ويمكن عامل عزيمة وفي سهرة

عاطفياً..بهاليوم عم يكون عندك فرص ارتباط وفي علاقات ويومك حلو وحضورك محبب بكون وبتقدر تكون صداقات جديدة

♑ توقعات برج الجدي 

عندك أمور شغل مهم أو مشروعك الخاص ولازم تنتبه من الغلط أو مخالفة القوانين واطمن الحظ بساعدك

لتصل لناس على مستوى أو يكون في ترقية وفي أمور بتشغلك مع المسؤولين وحكي ناس كمان عليك ..

عاطفياً…وضعك جيد وعندك حضور وكاريزما والكل عم يعجب فيك والعيون كتير بتلاحقك لكن انت ضايج شوي من الشريك .

♒ توقعات برج الدلو

استغل يومك لتغير شي بحياتك أو بشكلك أو لتسافر أو لتعرف ناس جدد أو لتحل مشاكل عيلتك

وعم تكون قدام خطوات جديدة وتغيير إيجابي ناطرك وفيك تبلش بمكان دراسي أو جامعة وفيك تغير ببيتك

عاطفياً..عندك علاقات ويومك إيجابي مشان هيك حل مشاكلك وفكر صح واطمن انت بوضع جيد.

♓ توقعات برج الحوت

عم تحل مشاكل مالية وقصص وأوراق وأمور مع الإخوة بهيك يوم واستغل هيك يوم لتخلص من الضغط

والتعب وفي قصة بتخص سيارة أو موبايل وكمان في دفع وفي قبض وفي علاقات .

عاطفياً..استغل يومك صح لان عندك رومنسية وبتحس انك بدك ترجع للشريك وفي مصالحة وعاطفتك قوية واتصال بفرحك

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب