برجك اليوم : التوقعات الفلكية ليوم الثلاثاء 7 مايو 2024

برجك اليوم مع الفلكي منيب الشيخ.

♈ توقعات برج الحمل

كمان هاليوم عم تكون فيه بأفضل حال وفي امور عم تنحل وعم تلاقي حالك بمطعم او فندق

وفي كتير امور عم تخليك افضل وعم تحس انو طاقتك حلوة وفي مكاسب عم تتحرك تجاهك وكل شي عم يكون أفضل

عاطفياً..بدك الشريك قريب وفي رومنسية ويوم مميز و يمكن تجيك هدية هاليوم وعندك علاقات حلوة

♉ توقعات برج الثور

حاول تتصرف صح بهيك يوم وخاصة انك لازم تعرف مين معك ومين عليك وفي شي صحي شاغلك

وفكر هاليوم بانك تنهي الشي يلي بلشت فيه وحاول تخلي امورك وشغلك بالكتمان والسر بهاليوم

عاطفياً..حليان لكن لازم تعرف تتعامل مع الشريك وتترك مجال للتفاهم لان في شوية مشاكل

♊ توقعات برج الجوزاء

عم يكون عندك واجب أو عم تزور شخص مريض او عم تكون بلمة ناس وعم تساعد محتاج

وفي اصدقاء عم تقابلها وتوقف حدك وعندك افضل الأجواء الاجتماعية يلي بتخليك جاهز لتصل وتعمل كتير أمور جديدة

عاطفياً..اطمن يوم جيد وفي علاقات وعم تعيش وقت حلو وقادر تدخل اي علاقة لكن بفضل انك تروق

♋ توقعات برج السرطان

عندك قصص مع ناس مهمة أو مشاهير أو أشخاص على مستوى أو عم يلمع نجمك فجأة ولازم تكون رايق

وتفكر صح وفي لمة عيلة ومالازم تغلط أو تخالف القوانين وتطورات شغل جديد وترقية ومنصب

عاطفياً..انت نجم بعيون كتار وعم يكون في نظرات اعجاب من أشخاص هامة ومشهورة تجاهك

♌ توقعات برج الأسد

من الايام يلي عم تقدر تغير فيها بشكلك وافكارك وحياتك وتعمل شي جديد او تتعلم وتكون مقنع لناس جديدة

وتتعرف على اشخاص بتدعمك او شخص بعيد بساعدك بشغلك أو بقصة ناطرها وسفر كمان

عاطفياً..خليك ذكي وفكر بحب يستمر وفي أجواء حلوة مشان هيك استغل يومك لتكون افضل عاطفياً..

♍ توقعات برج العذراء

الحلول عم تجي شوي شوي وعم تستفيد من مصالحات وامور تحسمها وعم تعالج مرض كمان

وغالباً في مال من شخص بعيد عم يصل الك و عم تكون اقرب لعيلتك وقادر هاليوم تحل مشاكلك وتصالح اشخاص

عاطفيا .. عندك رومنسية وفي حب مشان هيك غير بوضعك وحاول تتقرب من الشريك صح

♎ توقعات برج الميزان

مو مرتاح كتير بهيك يوم وبتحس انو في مشاكل وقصص عم تتأجل عندك وماعم تكمل

روق ولاتتسرع بشي ولاتأمن لحدا خاصة بامور المال وعندك شوية قصص عم تزعجك صحيا بدها صبر

عاطفيا . .بهاليوم الشريك لازم يهدي عليك لان عم يكون عندك توتر كبير بعلاقتك ولازم الشريك يتجنب اي مواجهة معك ..

♏ توقعات برج العقرب

رتب يومك من بدايتو وماتخلي الامور تتراكم حتى ماتحس بضغط وتتعب بزيادة وماحدا عم يقدر تعبك

وعم يكون يوم حافل وعندك اكتر من قصة فوق راسك وفي موضوع صحي شاغلك وفي شراكة شغل .

عاطفيا .. تعبان و بدك شخص يهتم فيك وحاسس بتعب وعم تكون مشغول عن الشريك والحب ومعذور اليوم ..

♐ توقعات برج القوس

في حلول عندك هاليوم لاكتر من قصة وعم تقابل زميل الك سابق وفي اوقات حلوة وخبر بفرحك

وعندك حظوظ حلوة بهيك يوم وفيك تهتم بحالك وكمان عم تفكر بقصة بتخص طفل أو ابن شاغلتك

عاطفيا .. في رومنسية والحب كبير وعندك شي حلو والشريك عم يتقرب منك وأوقات حلوة وارتباط ممكن ..

♑ توقعات برج الجدي 

انتبه لأمورك مع الاهل والعيلة بهاليوم ويمكن عم تزور ببيت شخص أو تغير مكان وعم تحس بضغط من المقربين

وعم يكون يومك شوي متوتر وماعم تعرف تستقر وفي تعديلات ببيتك وقصة عقار كمان

عاطفياً..يبدو انك ضايج ومو رايق كتير وفي شوية مشاكل لكن بتقدر تحلها وتضل قريب من الشريك بهيك يوم ..

♒ توقعات برج الدلو

عم يتحسن وضع علاقاتك وفي سفر وتنقلات ولقاءات واشخاص كتير عم تقابلها ويمكن اتصالات كمان

وفي علاقات حلوة وعم تنشغل بقصة بتخص أخ او جار هاليوم وانتبه من الحوادث ولموبايلك من الاعطال ..

عاطفياً..عم يكون يوم إيجابي وعندك علاقات حلوة ويمكن في اخبار بتفرحك أو شخص بيحكيك غالي على قلبك

♓ توقعات برج الحوت

حاول ما تتكاسل ولازم تنجز بعض الامور يلي فيها مال الك وكمان عم تتسوق وتدفع مال

وعم تحس انو مو كتير مرتاح وانتبه هاليوم من شوية مشاكل مالية وغالبا رح يجيك مبلغ مرتب وتنعزم كمان…

عاطفياً…في علاقات وخليك مع الشريك وعم يكون يوم مناسب لتدلل لكن في شوية قصص بدها انت تحركها ليفهم الشريك ..

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب