برجك اليوم : التوقعات الفلكية ليوم الخميس 16 مايو 2024
برجك اليوم مع الفلكي منيب الشيخ.
♈ توقعات برج الحمل
ضمن نهارك عم يكون عندك الوضع تمام وعم تقابل ناس بتحبها وفي خبر بفرحك وعم تتحسن أوضاعك بشكل كبير
ويمكن في عزيمة أكل أو قصة بتخص ابن أو طفل واخر السهرة لازم تهدي بوضعك بالبيت وصحياً
عاطفياً.. أطمن عندك رومنسية وانت بوضع جيد مشان هيك حاول تبادر واستغل يومك لأن عم يكون حب كبير
♉ توقعات برج الثور
عم يكون عندك تغيير بالمكان وشغل جديد وأمور بتخص الأهل شاغلتك بنهارك ولازم تعرف تتصرف وفي تغييرات بديكور البيت
وزيارة ببيت شخص عند البعض كمان وآخر السهرة أجواء حلوة وقصة طفل وابن
عاطفياً.. بالنهار في ضغط شوي وماعم ترتاح لان ماعم تقدر تكون مع الشريك ويمكن لآخر السهرة ليتحسن وضعك
♊ توقعات برج الجوزاء
عندك يوم في تنقلات ولقاءات وسفر وناس تحكيها وموبايلك مابيهدى وانتبه من أعطال موبايل أو سيارة هاليوم
وعم تزيد اتصالاتك وحركتك وانتبه من الحوادث وانتبه لأخ كمان وآخر السهرة انتبه لأهلك صحياً
عاطفياً..هاليوم عندك اتصالات بتفرحك وهاليوم استغل يومك لتكون مع الشريك لكن مشاكل البيت المسا بتأثر
♋ توقعات برج السرطان
عم يكون عندك تجهيزات لسهرة أو عزيمة او لطلعة مع الاصحاب وفي أمور مالية عم تناقشها وبدك تطبخ أو تزور مطعم او فندق
وفي مبلغ بيجيك كمان أما اخر السهرة اتصالات وأمور مع الإخوة وشهرة
عاطفياً.. اطمن يومك حلو رغم كل شي وبدي منك ماتخاف انت أفضل عاطفياً وانتظر السهرة لي رح يكون فيها تواصل حلو
♌ توقعات برج الأسد
الوضع بنهارك عم يكون جيد وعندك طاقة لتعمل شي مهم وتصل وفي قصص على مستوى واضواء
ومنصب يمكن والقمر ببرجك بيعطيك حضور وقوة واخر السهرة في عزيمة وأمور مالية وقصص مع الأب
عاطفياً..هاليوم في جاذبية وعم يكون عندك أوقات حلوة وبدي منك تستغل يومك لتحل مشاكلك وشخص مهم معجب
♍ توقعات برج العذراء
بداية يومك انتبه وخاصة انو في كتير قصص ماعم تمشي متل مابدك وداري صحتك وماتتسرع بشي
ويمكن تسافر أو تحكي شخص بعيد ويخيب املك فيه واخر السهرة كل الحلول والحظ عندك اطمن
عاطفياً..يبدو مو مرتاح وعم يكون عندك احساس بالوحدة أو عم تتواصل مع حدا بعيد بحب وخاصة المسا
♎ توقعات برج الميزان
نهارك حلو عم يكون وفي أجواء إيجابية ولقاء باصدقاء الك اجواء اجتماعية وتحقيق لامنية بمساعدة شخص
وعم تصالح أشخاص كمان وهالشي بحسن من وضعك وانتبه المسا من مشاكل وقصص وشي صحي
عاطفياً..في علاقات وعم يكون يوم حلو وكتير أشخاص معك وفي فرصة ارتباط لكن انتبه المسا وبلا مشاكل
♏ توقعات برج العقرب
عندك أشخاص ماعم تتركك بحالك بالنهار ولازم تتجنب المشاكل وماتغلط لان في مين ناطرك على غلطة
وعم يحكي عليك وانتبه وهدي وبالشغل ومع الأهل بالبيت واخر السهرة عندك أجواء حلوة وسهرة وعزيمة
عاطفياً..نهارك صعب وعم يكون في شوية مشاكل لكن لازم تعرف تتصرف لتنحل الأمور بالسهرة
♐ توقعات برج القوس
عم يكون وضعك جيد لتعمل شي جديد وتغير بشكلك ضمن النهار وفي معارف جديدة وعندك أجواء مميزة
وعم تقدر تخلص أمور وأوراق وقصص سفر وتحسم أمورك بس انتبه المسا صحيا وهدي الوضع
عاطفياً..نهارك الوضع جيد واطمن عندك علاقات جديدة وفي إمكانية انك تلاقي شخص مناسب لحبك وهدي المسا
♑ توقعات برج الجدي
كل شي عم يمشي لصالحك شوي شوي وفي مصالحات وتقارب مع أشخاص وحلول مالية وأوراق وقضايا لصالحك
وشفاء من مرض وكمان تواصلك بزيد وبيتحسن واخر السهرة سفر وحوالة ودعم شخص بعيد
عاطفياً..يوم بدو تهدي الأمور وتروق واستغل وضعك العاطفي اذا بدك تصل لحب يكون قوي وحتى لتبلش من جديد
♒ توقعات برج الدلو
عم تمرق بظروف صعبة بنهارك وماعم تعرف من وين عم يجيك الضغط وخاصة ضغط المقربين والعيلة
وعم تتأثر ببعض القصص ضمن البيت يمكن هالشي يخليك مو مرتاح بس المسا بتتحسن أوضاعك وفي مال
عاطفياً..حاسس بتعب ويبدو انك مو رايق لشي ويوم ماعم يريحك والوضع العاطفي عندك عم يكون متقلب
♓ توقعات برج الحوت
بدك تخلص كل شي بوقتو وماتترك الأمور تتراكم عليك بهيك يوم وفي شغل جديد وعم تحاول تلحق
لكن عم يطلعلك شغل جديد فجأة وانتبهلي صحياً وبالسهرة في ضغط وهدي الأمور وشارك شخص
عاطفياً.. راسك مو فاضي ويبدو في كتير قصص ووضعك العاطفي ماكتير مستقر وانت بحاجة حب يريحك مو يتعبك
للاستماع الى برجك اليوم واغنيته المخصصة لليوم واهم توقعاته اضغط على الرابط التالي: