برجك اليوم : التوقعات الفلكية ليوم الخميس 4 يناير 2024

برجك اليوم مع الفلكي منيب الشيخ.

♈ توقعات برج الحمل

انتبه بهاليوم وحاول قدر الامكان ماتدخل اي مواجهة او مشكلة وماتخالف القوانين وعم يكون الضغط عليك كبير ولازم تكون رايق وتعرف تتصرف وحاسس انو ماحدا صح ويمكن عقد عمل او شراكة.

عاطفيا : ضايج والشريك زاعجك وانت مو مرتاح كتير وعندك مشاكل والوضع العاطفي متوتر ويمكن عم تفكر بحل.

♉ توقعات برج الثور

عندك اكثر من قصة لازم تخلصها ويوم في امور بالجامعة او قصص اوراق وسفر او عم تبلش تتعلم شي جديد

او رياضة وعم تكون التزاماتك كبيرة ولازم ترتب كل شي صح وعندك امور دراسية وداري صحتك.

عاطفيا :تعبان ومو كتير مرتاح وحاسس بتعب ولازم الشريك يكون حدك ويساعدك بهاد اليوم لان ماعم تفضى تحك راسك ..

♊ توقعات برج الجوزاء

عم يكون عندك حظ حلو واشخاص بترجعلك وبتصالحك وفي شي بخص ابن او طفل او مكاسب مادية

وفي اخبار حلوة وفي حظوظ كبيرة وفي ابداع بشخصيتك هاليوم وسهرة حلوة ناطرتك كمان

عاطفيا :اطمن يوم جيد وفي رومنسية و عندك اجواء حلوة واطمن لأن الامور العاطفية بتكون جيدة وخاصة انو في حلول.

♋ توقعات برج السرطان

عم تحس انو مافي شي صح وفي امور عائلية شاغلتك زاعجتك ومشغول بالك على اهلك

وعم تحس المقربين سبب تعبك وانتبه من قصة بتخص الأهل والوضع بالبيت بين تصليحات ومسؤوليات

عاطفيا : بدك تهدي وضايج كتير ويمكن المقربين عم يخربو حبك عليك وماعم تكون رايق .

♌ توقعات برج الأسد

من الايام يلي فيها علاقات وتواصل وناس وقصة مع اخ او جار وعم تتواصل وتقدر تقنع الكل

وعم تنجز شغلك المتراكم ولازم تستغل هالشي وانتبه من الحوادث ويمكن تبلش رياضة او يمكن بشغل اعلامي

عاطفيا :في علاقات ويومك جيد وعندك الكاريزما وعم يكون عندك علاقات ووضعك افضل وفي اتصالات حلوة.

♍ توقعات برج العذراء

يوم في عزيمة وناس بتحبها وعم تدلل وتنام كتير وتزور مطعم او فندق وعم تبيع وتشتري

ويمكن تجيك هدية وحاول تستغل هاليوم لتدلل حالك بآكل طيب ونوم وراحة وفي مبلغ بيجيك كمان.

عاطفيا :عم يكون كل الحب عندك مشان هيك عيش الرومنسية وخليك قريب من الشريك ولازم يعزمك ويدللك .

♎ توقعات برج الميزان

من الايام يلي عم تتحسن فيها امورك وفي قصص عائلية عم تحلها ويمكن مكان شغل جديد او قصة بيع او شراء عقار

ووضعك عم يتحسن وفي تغييو مهم وايجابي ويمكن عم تحل قصص عائلية.

عاطفيا : اطمن في تواصل والوضع جيد واستغل علاقاتك ويمكن يكون في تطورات حلوة وجديدة عندك

♏ توقعات برج العقرب

ماعم تكون مرتاح وفي قصص بتخص الاخوة او شوية امور مالية شاغلتك وعم تحس انو في مشاكل

وانتبه من الحوادث والاعطال لموبايل او سيارة هاليوم وكمان انتبه صحيا وماتأمن لحدا

عاطفيا : عم تكون مو مرتاح و في شوية مشاكل ولازم تهدي هاليوم وماتخلي الظروف يلي عم تعيشها تأثر عليك.

♐ توقعات برج القوس

عم يكون وضعك كتير افضل وعلاقاتك بتزيد وفي عزيمة او مناسبة اجتماعية او سهرة او زيارة مطعم

وفي كمان مصروف زايد لكن بنفس الوقت في اشخاص عم تساعد ماليا وشعبيتك باعلى درجاتها

عاطفيا :حليان وعم يكون في حب بیدعمك وعندك علاقات حلوة واطمن لأن امورك العاطفية بهاليوم عم تكون جيدة

♑ توقعات برج الجدي 

عم تفكر بقصة شغل وحاول تهدى وماتخالف القوانين وانتبه لقصة بتخص اخ كبير أو اب

لكن بنفس الوقت في اخبار حلوة لبداية شغل جديد وعم تقابل ناس مهمة ومسؤولة وحكي عليك.

عاطفيا :هدي مع الشريك وعندك ناس مهمة معجبة والعيون عليك ويوم عم تلاقي فيع نظرات الاعجاب من الكل .

♒ توقعات برج الدلو

من الايام يلي فيها فرص سفر وتغييرات وامور جديدة وفيك تغير بشكلك ويوم في تحسن كبير

وعم تخلص من اشخاص مزعجة بحياتك وفكر كيف ترجع نشاطك وتنجح وانتبه من تأجيل ببعض الامور..

عاطفيا : عندك اجواء ايجابية وعم يكون عندك حضور حلو بعد ايام صعبة ووضعك العاطفي افضل

♓ توقعات برج الحوت

عم ترجع علاقتك ببعض الاصدقاء وتكون افضل نسبيا بعد ضغط ومشاكل وفي مصالحات وناس عم ترجع تحكيك

وفي تحسن كبير وناس وفي مال وقضايا عم تحسمها وفي اوراق وقصص بيع وشراء وصلحة

عاطفيا :يومك في حب وتحسن كبير هاليوم وكمان الشريك عم يتقرب منك والاجواء العاطفية حلوة عم تكون .

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب