برجك اليوم : التوقعات الفلكية ليوم الخميس 22 فبراير 2024
برجك اليوم مع الفلكي منيب الشيخ.
♈ توقعات برج الحمل
عم يكون عندك نهار في مشاكل وحاسس بضغط المقربين ويمكن تغير مكان وتزور عند شخص
وبعد الضهر كل شي بيتحسن وفي خبر حلو انشالله وضعك افضل وفي حلول ومال وسهرة وقصة طفل فانتبه
عاطفيا : يبدو انك مامرتاح ضمن النهار لكن المسا مناسب لترجع حب قديم ويبتسملك الحظ بالعاطفة مع الشريك
♉ توقعات برج الثور
عندك ناس كتير بتحكيك وفي شي حلو بعلاقاتك وخبر حلو ناطرك كمان وفي زيارات وعم تلتقي ناس كتير كمان
وبعد الضهر عم يكون في عندك لمة عيلة وسهرة ضمن البيت وانتبه لاهلك وهدي وكون رواق
عاطفيا : حاول تعزز علاقاتك خلال النهار وعم يكون في قصص بدها حل وانت محتار بموضوع الشريك
♊ توقعات برج الجوزاء
عندك بنهارك امور مالية وعم تصرف مال ويمكن تزور مطعم او فندق وتلاقي الدلال وكمان عندك قصة خارجية
وحوالة وبعد الضهر علاقاتك بتتحسن وامكانية شهرة وتواصل حلوة وسوشل ميديا وقصة اخ..
عاطفيا : في حب والوضع افضل نسبيا وعندك علاقات حلوة وخاصة بالسهرة وناس كتير معجبة
♋ توقعات برج السرطان
عم تلاقي حالك قادر تعمل اي شي جديد ونهار حلو ويمكن تسافر وتعمل شي جديد بحياتك وامورك جيدة
فيه طاقة وتغييرات ايجابية وبعد الضهر بتشغلك امور المال ويمكن تجيك حوالة خارجية وتنعزم بسهرة
عاطفيا : هاليومعندك كتير علاقات وانت بوضع منيح وعم تتقرب من الشريك وممكن يجبلك هدية .
♌ توقعات برج الأسد
بداية يومك صعبة وفيها شوية قصص عم تتعبك وامور شاغلتك ماليا وعائليا وفي خيبة بناس من حولك
لكن بعد الضهر بتبلش الحلول و كل شي بيتغير واوقات حلوة ومصالحات واجواء بترجع طاقتك فيها
عاطفيا : عندك ضغط لكن اطمن لان بعد ايام صعبة يومك حلو عاطفيا وعندك القدرة لحل المشاكل المسا
♍ توقعات برج العذراء
بدي منك تستغل الصبح وبنهارك لتعزم وتنعزم وتروح حالك قدر الامكان وممكن توقع عقود
ويمكن يكون عندك عزيمة ضمن نهارك لكن بعد الضهر بتزعجك بعض القصص وفي توتر كبير ومشاكل تجنبها وهدي …
عاطفيا : اطمن لأن عندك علاقات كتير وناس عم تتقرب منك لكن بالسهرة انتبه من المشاكل تنهي كل شي
♎ توقعات برج الميزان
عم تشغلك امور هامة وقصص مع مسؤولين ومشاهير وخليك منتبه ويعتبر هاليوم بساعدك لتبلش قصة جديدة بحياتك
وبعد الضهر ناطرك سهرة حلوة ومناسبة واجواء اجتماعية لكن كتير قصص براسك..
عاطفيا : في علاقات ويوم في ناس معجبة وكتير اصدقاء معك وانت بحاجة لشريك يهتم فيك بهاليوم وتحسن علاقتك
♏ توقعات برج العقرب
عم يكون في اخبار بتريحك ضمن نهار في حوالة مالية ودعم من بعيد وامور تدريس وجامعة
وحاول هاليوم تستغل انو عندك علاقات وناس جديدة وبعد الضهر مشاكل و لقاءات مهمة وشهرة عند البعض كمان
عاطفيا : هاليوم عم يتقرب منك كتير أشخاص والعلاقة بتكون أفضل حتى في فرص لعلاقة جديدة
♐ توقعات برج القوس
استغل وضعك لتخلص من اشخاص مزعجة مستفزة بنهارك وتعمل تصفية وعم تتحسن اوضاعك
وفي مال من قصة عقارية وبعد الضهر ناس جدد وسفر ممكن وخلاص من ضغط وفي فرصة تغييرات بحياتك
عاطفيا : يبدو انك ماعم تستقر بعاطفتك وبدك تعرف شو بدك لان قادر تاخد قرار صح وتحدد شو بدك بالعلاقة
♑ توقعات برج الجدي
عندك التزامات وضغط بداية يومك وبالنهار ولازم تهدي قدر الامكان
وبعد الضهر في حلول ومال و بتنحل الامور بالتدريج وتعالج مرض عندك
عاطفيا : حاول تروق واستغل يومك لتحسن علاقتك وتتقرب من الشريك وتكون عاطفتك أفضل
♒ توقعات برج الدلو
يمكن عم تبلش شغل وتعيد ترتيب امورك ولازم تنتبه مع زملاء الشغل او الدراسة عندك
وماعم تعرف ترتاح وماتهمل صحتك وبعد الضهر شراكات وانتبه من التوتر وهدي الامور وعم تصرف كتير ومدايقك شخص
عاطفيا : يوم طويل ولازم الشربك يعرف يتعامل معك ومايزيدها عليك ويوم بتحس انك مو رايق فيه
♓ توقعات برج الحوت
عم تعيش نهارك حلو وفي قصة طفل او علاقات حلوة واشخاص غاليين وهدايا بتجيك وفي امور عائلية بتفرحك
ومال ممكن يجيك وبعد الضهر انتبه لصحتك ويمكن في شغل جديد وتراكمات بتطلعلك
عاطفيا : مو مرتاح كتير والوضع العاطفي بيحتاج لاهتمام اكبر من الشريك وانشالله يوم جيد
للاستماع الى برجك اليوم واغنيته المخصصة لليوم واهم توقعاته اضغط على الرابط التالي: